Սույն թվականի նոյեմբերի 11-ին տեղի ունեցավ Տուրիզմի Միացյալ Ֆեդերացիայի և ՀՀ ՊԵԿ Ուսումնական Կենտրոնի կողմից կազմակերպված «Զբոսաշրջային ոլորտի հարկման առանձնահատկությունները» թեմայով դասընթացը, որին մասնակցեցին Ֆեդերացիայի անդամ 28 կազմակերպություններ:

Դասընթացն անցկացվեց ՀՀ ՊԵԿ պաշտոնատար անձանց կողմից, ովքեր ունեն մեծ փորձ և խորը գիտելիքներ իրենց ոլորտում։ Քննարկվեցին 2025թ. հունվարի մեկին ուժի մեջ մտնող հարկային օրենսդրական փոփոխությունները, ոլորտի հարկային հսկողությունը: Դասընթացի ավարտին մասնակիցները ստացան վկայականներ:

Շնորհակալ ենք բոլորին մասնակցելու և համագործակցելու համար: Հուսով ենք, որ դասընթացի ընթացքում ստացած գիտելիքները կօգնեն մասնագիտական զարգացմանն ու հետագա հաջողություններին, ինչպես նաև ՀՀ զբոսաշրջության ոլորտի կայուն զարգացմանը։